ЖКнын тармактык комитети этникалык кыргыздардын КРнын жарандыгын алуусу боюнча мыйзам долбоорун кайра иштеп чыгууга жөнөттү

Жогорку Кеңеште этникалык кыргыздардын Кыргызстандын жарандыгын алуусун жеңилдетүүгө багытталган мыйзам долбоору кайра иштеп чыгууга жөнөтүлдү. Мындай чечим бүгүн, 31-мартта Эл аралык иштер боюнча комитеттин жыйынында кабыл алынды. Өкмөт өкүлүнүн билдиришинче, 2013-жылдын 1-январына карата чет өлкөдөн кайтып келген 9 миң жаран жашайт. Алардын 4 миңдейи Өзбекстандан кайтып келгендер экени айтылды. Мыйзам долбоорунда кемчиликтер бар экенин айтышкан депутаттар маселени азырынча колдобоо чечимине келишти.

Автор: Автандил Добулбеков