Жоомарт Оторбаев: “Өкмөт түзүмү анчалык деле кескин өзгөрүүлөргө туш болбойт”

Жогорку Кеңештин «Мамлекеттүүлүктү бекемдөө үчүн» парламенттик көпчүлүк коалициясында жаңыдан түзүлүп жаткан КР Өкмөтүнүн программасынын, анын түзүмү менен курамынын долбоору каралууда. Депутаттардын суроолоруна премьер-министрликке бирдиктүү талапкер катары көрсөтүлгөн Жоомарт Оторбаев жооп берүүдө. Анын айтымында, өкмөт түзүмү анчалык деле кескин өзгөрүүлөргө туш болбойт.

Талапкер Ж.Оторбаев депутаттардын суроолоруна жооп берип жатып, өкмөт өзүнүн 2013-2017-жылдары Кыргызстанды туруктуу өнүктүрүү программасында камтылган иш-чараларды жүзөгө ашырууга өзгөчө көңүл бурарын баса белгиледи. «Өлкөнүн экономикасында өткөн жылдары өсүш байкалды. Ал эми республикалык бюджеттин таңсыктыгы - акырындап чечиле турган маселе»,- дейт Жоомарт Оторбаев.

Автор: Жамалидин Парманкулов