Мыктыбек Абдылдаев “Ата Журт” фракциясынын лидерлигинен кетти

Мыктыбек Абдылдаев парламенттеги “Ата Журт” фракциясынын лидерлигинен кетти. Муну депутат өзү ЖКнын 3-апрелдеги жыйынында расмий түрдө билдирди. “Фракцияда ушундай чечим кабыл алдык, мен фракция лидери катары ыйгарым укуктарымды токтоттум. Баарыңыздарга ыраазычылык билдирем, “Ата Журт” фракциясынын жана партиясынын мүчөлөрүнө ыраазымын”,- деди депутат. Фракция лидерлигин тапшырууга эмне себеп болгонун айткан жок депутат.

Абдылдаев “Ата Журт” фракциясынын лидеринин милдетин аткаруучу болуп Жылдыз Жолдошова дайындалганын да билдирди.

Автор: Автандил Добулбеков