Тайырбек Сарпашев депутат Сабировго: “Эркектердин артынан ушак таратып бүтүп, эми кыздарга өттүңүзбү?”

Жогорку Кеңештин депутаты Максат Сабиров вице-премьер-министрликке талапкер Эльвира Сариевадан күйөөсүнүн АКШ жараны боюнча маалыматтын чын же жалганын экенин сурады. Айтымында, коомчулукта ушундай сөздөр жүрүп жатат.

Эльвира Сариева: “Жолдошум кыргыз, Олег Акматалиев. Апасы орус улутунун өкүлү. АКШга эч кандай байланышы жок”,- деди.

Мындан кийин биринчи-вице-премьер-министрликке талапкер Тайырбек Сарпашев депутат Сабировго кызууланды.

“Эркектердин артынан ушак таратып бүтүп, эми кыздарга өттүңүзбү? Мындай суроо берүүнү токтотуңуз”,- деди ал.

Сабиров эч кандай ушак айтпаганын, коомчулукта айтылып жаткан сөздөрдү тактап койгусу келгенин билдирип: “Карындашымдын өзүнөн тактап алайын дедим. Кийин ага зыяны тийип калбасын деп жатам”,- деди.

Айта кетсек, парламентте жаңы өкмөттүн курамын талкуулоо уланып жатат.

Автор: Автандил Добулбеков