Калыкбек Султанов: “Мен түптөгөн компания 10 жылдан бери мамлекеттик тендерге катыша элек”

“Мен түптөгөн “Авангард строй” компаниясы 10 жылдан бери мамлекеттик тендерлерге катыша элек”,- деп билдирди транспорт жана коммуникация министрлигине талапкер Калыкбек Султанов ЖКнын 3-апрелдеги жыйынында. Анын билдиришинче, депутат Данияр Тербишалиев негизсиз сындарды айтууда.

“Мен түптөгөн компания “Авангард строй”, Тербишалиев айткан компания “Авангард стиль”. Экөө эки башка компания, бири-бирине тиешеси жок. Депутат ушунун айырмасын билиши керек”,- деди Султанов.

Айта кетсек, буга чейин Тербишалиев министрликке талапкерлердин бизнесте кызыкчылыктары болбошу керектигин айтып, айрым талапкерлерди сындаган эле.

Автор: Автандил Добулбеков