Бүгүн, 3-апрелде Мамлекеттик санитардык-эпидемиологиялык көзөмөлдөө департаментинде Ачык эшиктер күнү өткөрүлдү

Бүгүн, 3-апрелде Бишкектеги Мамлекеттик санитардык-эпидемиологиялык көзөмөлдөө департаментинде Ачык эшиктер күнү өттү. Ага аталган мекеменин, Саламаттыкты сактоо министрлигинин жана башка медициналык уюмдардын өкүлдөрү катышты.

Иш-чара инфекциялык, карантиндик жана өзгөчө коркунучтуу оорулардын алдын алуу жана санитардык коргоо маселесине арналды.

Катышуучулардын астына Мамлекеттик санитардык-эпидемиологиялык көзөмөлдөө департаментинин кызматкерлери А.Жороев, Н.Алтымышева, Э.Ибрагимов жана Н.Үсөнбаев өз изилдөөлөрүнүн жыйынтыктары менен чыгышты.

Иш-чара соңуна келгенде медициналык серепчилер суроо узатышты. Санитардык-эпидемиологиялык көзөмөлдөө департаментинде Ачык эшиктер күнү пайдалуу талкуулар менен аяктады.

Автор: Нургазы Аматов
Фото: Нургазы Аматов