Кыргызстанда кургак учуктан каза тапкандардын саны көбөйгөнү байкалууда

2010-жылдан тарта Кыргызстанда кургак учуктун кесепетинен каза тапкандардын саны көбөйүүдө. Бул тууралуу бүгүн, 3-апрелде Санитардык-эпидемиологиялык көзөмөлдөө департаментинде өткөн Ачык эшиктер күнүндө адис Абдыкадыр Жороев кабарлады.

Анын айтымында, аталган ооруга кабылгандардын жана оорунун кесепетинен көз жумгандардын саны 2001-жылы эң жогорку көрсөткүчкө жеткен. Ал эми 2013-жылдын көрсөткүчү 2003 жана 2009-жылдардагыга тең болууда.

"Кургак учуктун алдын алуу максатында атайын иш-чаралар уюштурулуп жатат",- деди Жороев.

Автор: Нургазы Аматов