Жеке турак жай куруу департаменти: Мыйзамсыз курулуш жүргүзгөндөргө айып пул салынып, кылмыш иши козголот

Жеке турак жай куруу департаменти мыйзамсыз курулуштарды жүргүзгөндөргө карата айып пул салынып, кылмыш иши козголорун эскертет. Бул тууралуу аталган департамент бүгүн, 4-апрелде маалымдады.

Өз жер тилкесинин чегин мыйзамсыз кеңейтип алган жарандарга карата 10 миң сомго чейин айып пул салынат. Ошондой эле аталган департамент укук коргоо органдары аркылуу Кылмыш-жаза кодексинин 172-беренесине ылайык, жүргүзүлгөн мыйзамсыз курулуш улана берсе, бардык фактылар сотко өткөрүлүп, соттун чечими менен кылмыш иши козголорун эскертет.

Департамент шаардыктарды мыйзамды бузбоого чакырат.

Автор: Мальвина Уметбекова