Таластагы митинг: Акыйкатчы өкмөттү ыкчам чара көрүүгө чакырды

Акыйкатчы Бактыбек Аманбаев Таластын Бакай-Ата районундагы митинг боюнча өкмөттү ыкчам чара көрүүгө чакырды. Аманбаев жергиликтүү жашоочулар менен өкмөт өкүлдөрүнүн ортосунда тез арада сүйлөшүү жүргүзүү зарыл деген пикирде. Анын билдиришинче, Бакай-Атадагы митинг – кен иштетүү тармагында өкмөттүн так социалдык программасы жоктугунун жыйынтыгы.

Айта кетсек, 3-апрелде “Шыраалжын” алтын кенин жабуу талабы менен митингге чыккан жашоочулар менен милициянын ортосунда кагылышуу болуп, 20дай милиция кызматкери жабыркаганы айтылды. Чогулгандарды таратуу үчүн милиция курал колдонду.

Автор: Автандил Добулбеков