Таластагы митинг: Бакай-Атада жол буугандар зарыл жумушу бар адамдар үчүн жолду ачышты

Таласта Бакай-Ата районунда кен казууга каршы митингге чыгып, Талас - Тараз жолун бууп тургандар айрым адамдарды өткөрө баштады. Бул тууралуу Ички иштер министрлиги билдирди. Айтымында, бир саат мурун кош бойлуу келиндер, ооруп жаткан адамдар үчүн гана жол ачылды.

Вице-премьер-министр Абдырахман Маматалиев ушу тапта Бакай-Ата районунда жол бууп турган нааразычылык акциясынын катышуучуларынын талаптарын угууда. Эл менен жолугушууга КРнын Өкмөтүнүн Талас облусу боюнча ыйгарымдуу өкүлү Койсун Курманалиева да келди.

Автор: Жамалидин Парманкулов