Азамат Болгонбаев, төкмө акын: "Аксакалдар маданиятты көз жаздымында калтырышууда"

Бүгүн, 4-апрелде маданият кызматкерлеринен турган чыгармачыл топ “Кыргызстанга маданият керекпи?” аттуу басма сөз жыйынын өткөрдү. Азамат Болгонбаев, Токтобек Асаналиев, Алтынбек Максүтов, Олжобай Шакир, Зайырбек Ажыматов, Аалы Туткучев өӊдүү чыгармачыл адамдар бийликтегилердин маданиятка болгон кайдыгерлигин айтып, нааразычылыгын билдиришти.

Сөз алган төкмө акын Азамат Болгонбаев “Биздин дагы бир кайрылуубуз бар. Урматтуу көч, сөз баштаган аксакалдарга кайрылабыз, чындап эле маданият кереги жок болсо, анда чогулуп "маданият кереги жок" деген концепция көтөрүп беришсин. Биз ошондо гана митингге чыгып таламыбызды талашпай, башыбызды жерге салып отуруп беребебиз” деген оюн айтты.

Автор: Динара Абдыкадырова