Талас – Тараз унаа жолу толук ачылды (фото)

Таласта жергиликтүү жашоочулар тарабынан жабылган Талас – Тараз унаа жолу ачылды. Бул тууралуу Бакай-Ата районунун тургуну Руслан Чолпонбеков бүгүн, 4-апрелде билдирди.

Анын айтымында, бүгүн Коргоо, коопсуздук жана чек ара маселеси боюнча вице-премьер-министр Абдырахман Маматалиев келип, эл менен жолугушкан. Анда ал алтын кени жабылганын билдирген. Мындан улам жергиликтүү тургундар тосулган жолду ачышкан.

Айта кетсек, кечээ, 3-апрелде Талас облусунун Бакай-Ата районунда жашоочулар митингге чыгышкан. Алар “Шыраалжын” кенин жабуу талабын коюшуп, кийин Боо-Терек айылында Талас – Тараз унаа жолун бууп салышкан. Мындан улам милиция кызматкерлери менен чогулган ортосунда кагылышуу чыгып, эки милиция кызматкери сабалып, бир унаа өрттөлгөн.

Автор: Бекжан Рыскулов
Фото: Руслан Чолпонбеков