БШК: "Ар-намыс" фракциясынан парламентке жаңы депутат ким болору азырынча белгисиз

"Ар-намыс" фракциясынан парламентке Абдырахман Маматалиевдин ордуна ким депутат болору кийинки аптада билинет. Бул тууралуу бүгүн, 4-апрелде БШКнын басма сөз катчысы Кыял Бектурова SUPER.KG порталына билдирди.

"Ар-намыс" фракциясынан депутат Дастан Бекешев интернет баракчасы аркылуу "Майрамбек Расулов партиянын тизмесинин негизинде парламентке кийинки депутат болуп келиши керек" деп жазган болчу.

Эскерте кетсек, 3-апрелде парламент өкмөттүн жаңы курамын бекитти. Ага ылайык, "Ар-намыс" фракциясынын депутаты Абдырахман Маматалиев коргоо, коопсуздук жана чек ара маселелери боюнча вице-премьер-министр болуп шайланды. Анын ордуна "Ар-намыстын" кезектеги мүчөсү депутат болуп келмекчи.

Автор: Жамалидин Парманкулов