Талас - Тараз жолу ачылып, митингге чыккандар тарап кетишти

Бакай-Атадагы “Шыраалжын” алтын кенин иштетүүгө каршы чыккандар тарап кетишти. Бул тууралуу бүгүн, 4-апрелде митингдин катышуучулары кабарлашты.

Белгилүү болгондой, эл менен жолугушууга барган өкмөт өкүлдөрүнө талаптарын айтып, буулган жолду ачып, тарап кетишти. Эскерте кетсек, вице-премьер-министр Абдырахман Маматалиев, геология министри Дүйшөн Зилалиев жана Таластын губернатору Койсун Курманалиева Боо-Терек айылына келип, элдин талаптарын угушту. Азыркы тапта элдин басымдуу бөлүгү кетип, жолдор тазаланууда.

Автор: Жамалидин Парманкулов