Чиновниктерге жана алардын үй-бүлө мүчөлөрүнө чет мамлекеттердеги банктардан эсеп ачууга тыюу салынат

Бүгүн, 7-апрелде Жогорку Кеңештеги Коррупцияга каршы күрөшүү комитетинин жыйынында КСДП фракциясынын депутаты Исмаил Исаков “Кыргызстанда саясатчылар менен аткаминерлер мамлекеттин чегинен тышкары активге ээ болбошу керек” деп билдирди.

Исмаил Исаков тийиштүү мыйзам долбоору менен тааныштырып, анда тыюу салуу Кыргызстандын улуттук коопсуздугун камсыз кылуу максатында коюлуп жатканын белгиледи.

"Коюлган тыюуларды текшерүү бир гана прокуратура органы тарабынан ишке ашат. Документке ылайык, аткаминерлерге жана алардын үй-бүлө мүчөлөрүнө чет элдик банктардан эсеп ачууга, акча сактоого тыюу салынат",- деди ал.

Автор: Жамалидин Парманкулов