Ош шаардык санитардык-эпидемиологиялык көзөмөлдөө борбору: Кургак учукка чалдыккандардын саны өсүүдө

Ош шаарында 2013-жылдын ушул мезгилине салыштырмалуу кургак учук менен ооругандардын саны 14кө көп катталган. Бул тууралуу бүгүн, 8-апрелде Ош шаардык санитардык-эпидемиологиялык көзөмөлдөө борборунун жетекчиси Уулкан Каратаева билдирди.

Анын айтымында, былтыркы биринчи кварталдык жыйынтыкта кургак учук менен катталгандардын саны 46 болсо, быйылкы биринчи кварталдык жыйынтыкта 60 адамга жеткен. Булардын көпчүлүгү студенттер жана окуучулар. Ал эми жаш балдардын арасында сарык оорусу көбөйгөн, былтыр 3 айда 252 адам катталган, бул жылы 275 болгон.

Автор: Айсана Паизова