Депутаттар Куралдуу күчтөрдүн ардагерлерине өкмөттөн бөлүнгөн акча толук бериле электигин айтышууда

Кыргызстанда Куралдуу күчтөрдүн ардагерлерине өкмөттөн бөлүнгөн акча толук бериле элек. Муну парламенттин 10-апрелдеги жыйынында депутат Исмаил Исаков билдирди. Айтымында, бөлүнгөн акча райондук ардагерлер уюмдарына берилбей жатат.

"Жантөрө Сатыбалдиев кетип жатып «экономика өстү» деп айтты эле. Экономика өссө, эмне үчүн акчалар берилбей жатат? Мага ардагерлер кат менен кайрылышты, муну тез арада чечиш керек",- деди депутат.

Автор: Автандил Добулбеков