"2010-жылдын супер күлкү жаратуучусу" Азамат Исмаилов "Кудай туулган күнүмдө ыймандуу келинчек белек кылса" дейт

"Супер-Инфо" гезитинин тандоосу боюнча "2010-жылдын супер күлкү жаратуучусу", "тамашоучу" Азамат Исмаилов бүгүн, 11-апрелде өздүк майрамын, 26 жашын белгилейт.

"Убакыт учкан куштай" деген кеп чындык экен. Кечээ эле ата-энемди кубантып ыңаалап жарыкка келген болсом, бүгүн минтип эр жетип, 26 жаштын чайын ичип отурам. Мени бул жарыкка алып келип, тарбиялап өстүргөн ата-энеме ыраазымын. Жыл сайын туулган күнүмдө аларды куттуктаганга ашыгам. Бүгүн эртең менен ойгонсом, экөө тең жумушка кетип калышыптыр. Азыр белегимди камдап, алардын келишин күтүп үйдө отурам.

Негизи, мен туулган күн дегенди 2-классымда билгем. Бир күнү үйгө келсем, туугандар жүрүшөт, дасторкон жайылган. Ошондо таякем "кел, куттуктап коёюн, бүгүн сенин туулган күнүң" деп бетимден өөп, оюнчук поезд берген эле. Ошондон кийин эле бул күндү туугандарымдын, досторумдун коштоосунда белгилеп келем.

Бүгүн болсо туулган күнүмдү үйдө, ата-энем, бир туугандарым менен тоскону жатам. Досторумду кийинки күндөрү чакырам. Эч кимден эч кандай белек деле күтпөйм. Бир гана Кудайдан ыймандуу келинчек белек кылса экен деп күтүп жатам",- дейт бүгүнкү күндүн күнөөкөрү Азамат.

Белгилей кетсек, Азамат Исмаилов Нарын шаарында туулган. 6-класстан тартып Көркөм сүрөт академиясынын алдындагы мектепте, андан кийин училищеде окуган. Кийин Көркөм сүрөт академиясын бүтүргөн. "Тамашоу" долбооруна алгач "Жигиттер" командасы менен келип, кийин "Тамадалар" командасы менен оюн көрсөтө баштаган.

Ал "Супер-Инфо" гезитинин версиясы боюнча "2010-жылдын супер күлкү жаратуучусу" деп табылган.

Азамат Исмаилов телеалпаруучу катары да эл көзүнө көрүнүп, андан сырткары жарнамалык түрмөк, ырчылардын клиптерине, комедиялык тасмаларга тартылып келет.

Автор: Дамира Арстанова

13:09 11-04-2014

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 1121 0

17:26 2025-05-07 | Саясат

Садыр Жапаров Москвадагы Жеңиш парадына катышат 1349 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 2170 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1413 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1443 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1754 0

Архив

Комментарийлер (7)

KG-Oligarh

2014-04-11 13:22:08

Оздук майрам кут болсун Азамат, ар дайым ден-соолукта бол Кыргызмдын патриоту!!!

Aimeerimka

2014-04-11 13:24:00

Туулган кунунуз м н ата эненизди сыймыктандырган Кыргыздын чыгаан жигиттеринен болунуз,Жараткан сизге ыймандуу кыз белек кылат деген умуттомун бактылуу болунуз жана да чыгармачылык ийгиликтерди каалайм.

Momun-jigit

2014-04-11 13:30:26

Сен кандай болсон ошондой жубай берет Жараткан.

infiniti

2014-04-11 14:32:36

Кудай тилегинди кабыл кылсын.

Pantherka

2014-04-11 14:33:15

Тилегин орундалсын,Азаматты корсом эле кулкум келип,маанайым которулот,Кулкунун символу десек жанылышпайбыз го дейм!!!

peri...97

2014-04-11 18:08:43

Туулган кун кут болсун......

kgman92

2014-04-11 18:48:02

Туулган кунунуз менен!!!!

Комментарий калтыруу үчүн өз ысымыңыз менен кириңиз же каттоодон өтүңүз.