Кыргызстанда энчилүү автоунаа номурлары боюнча жобо кабыл алынды

Кыргызстанда энчилүү мамлекеттик автоунаа номурларын сатуу боюнча жобо бекитилди. Тийиштүү токтомго премьер-министр Жоомарт Оторбаев кол койду.

Токтомго ылайык, энчилүү автоунаа номурларын берүүчү орган Мамлекеттик каттоо кызматы болуп саналат. Андай номурлардын баасы 100 000 сом болмокчу жана аталган типтеги номур экиден аз эмес, 7ден ашык эмес белгини камтышы керек. Муну менен бирге номурда 2ден кем эмес тамга болушу шарт, ал тамга номурдун баш жагынан орун алат. Номурга жалаң латын алфавити жана сандык белгилер (араб) колдонула турганын билдирет өкмөттүн маалымат кызматы.

Автор: Автандил Добулбеков