Ала-Букада кыргыз жана түрк аскерлери биргеликте машыгууларды өткөрүп жатышат

Жалал-Абад облусунун Ала-Бука районундагы аскер бөлүгүнүн базасында кыргыз жана түрк аскерлери биргеликте машыгууларды өткөрүп жатышат. Бул тууралуу бүгүн, 23-апрелде КРнын Коргоо министрлигинин басма сөз кызматы билдирди.

Маалым болгондой, иш-чаралар үстүбүздөгү жылдын 1-апрелинен тарта өтүп жатат. Ага 50 кыргыз аскери катышууда. Машыгуулардын максаты - террорчуларга карата каршылык көрсөтүүнү үйрөтүү, душмандарды табуу жана аймакты чалгындоо. Түркия тараптын пикирине ылайык, биргеликтеги машыгуулар тажрыйба алмашууга шарт түзөт жана өтө маанилүү.

Белгилей кетсек, иш-чаралар 2 айга мерчемделген.

Автор: Нургазы Аматов