Гүлнур Сатылганова концертинде Майкл Жексонго ыр арнады (фоторепортаж)

Концерттин жүрүшүнөн.

"Гүлнур эжем аккордеон менен жандуу ырда" деди. Мен үчүн эжемдин айтканы мыйзам" деп "Эркинай" ырын аткарды.

Гүлнур Сатылганова "Style Mix" тобу таланттуу жаштардан куралгандыгын айтып, аларга ийгилик каалады.

"Style Mix" тобу да өз өнөрүн тартуулады.

Эркин Рыскулбеков Гүлнур Сатылгановага Рекорд деген лакап ат ыйгарып, анын кыргыздын эң жаш Эл артисти экенин айтты.

Көрүүчүлөр сурантпай кол чаап, ырчыны кубаттап отурушту.

Концерттин жүрүшүнөн.

Концертте Гүлнур Сатылганова жаш ырчылар менен дуэт аткарды.

"Will`be" бий тобу элге бий тартуулоодо.

Концерттин жүрүшүнөн.

Концерттин алып баруучулары Эркин Рыскулбеков жана Омар.

Гүлнур Сатылганова "Туулган жерди сагынуу" ырын аткарганда сахна жасалгасы айыл жергесин чагылдырды.

Концертте ырчыны "Жаш кыял", "Ханыша", "Will`be", "Remix" бий топтору коштоду.

Ырчыны профессионал музыканттар коштоду.

Кыргыз элинин белгилүү ырчысы Зейнеп Шаакеева көрүүчүлөрдүн катарынан орун алып, ырчыга гүлдесте сунду.

Ырчы кайсы темада ырдаса, сахна жасалгасы ошого жараша өзгөрүп жатты.

Концерттин жүрүшүнөн.

Ырчы "Камбаркан" фольклордук ансамблинин коштоосунда ырларды аткарды.

Гүлнур Сатылганова Жер шарынан чыгып, элге "Асман" ырын тартуулады.

Бүгүн, 23-апрелде Т.Сатылганов атындагы Кыргыз улуттук филармониясында Кыргыз Эл артисти Гүлнур Сатылганова "Керемет дүйнө" аталышындагы жеке концертин тартуулады. Кече саат туптуура 18:40та башталды. Ырчы көптөн бери жеке концертин бербегенгеби, күйөрмандары залдын 100 пайызын ээледи. Көрүүчүлөрдүн көпчүлүгүн улуу муундагы апалар, ага-эжелер түзүштү. Алардын арасында кыргыздын белгилүү ырчысы Зейнеп Шаакеева да отурду. Ал ырчыга гүлдесте сунуп, ийгилик каалады.

Көшөгө ачылып, сахна космос ааламына айланып, бийчилер бийлеп киришти. Бир убакта сахнанын так ортосунда Жер шары пайда болуп, анын ичинен көптөн күткөн Гүлнур айым чыгып, "Асман" ырын тартуулады. Бул ырынан кийин ал эл менен амандашып, көрүүчүлөрдү бүгүнкү ыр майрамы менен куттуктап, "Туулган жер", "Нандын жыты" чыгармаларын сунуп, сахнага телеалпаруучу Эркин Рыскулбеков менен ырчы Омарды чакырып, аларга концерттин алып баруу тизгинин тапшырды.

Эл артистинин кечесине аябай даярдангандыгы сахнанын жасалгасынан, "Камбаркан" фольклордук ансамблинин, музыканттардын коштоосунда жандуу ырдап, улам жаңы формаларды кийип чыкканынан эле билинип турду.

Жеке концерт деп ушуну айтыш керек. Деген себебим, концертте жалаң ырчынын өз аткаруусундагы ырлары жаңырды. Бек Борбиев жана "Style Mix" тобунун гана бирден ыр аткарганы болбосо, Гүлнур Сатылганова концертине келген конок ырчылар Арсен, Мирбек Атабеков, Бек Борбиев, Айар жана "Style Mix" тобу менен дуэт ырдады. Эң кызыгы, ырчы концертинде "Бул ырды кандай кабыл аласыздар, кандай сындарды айтасыздар билбейм. Аны мага кытайлык ырчы Куандык Жаасын уулу сунуштаган. Өзүмө жакты. Бул ыр дүйнө жылдызы Майкл Жексонго, деги эле көзү өтүп кеткен ырчыларга арналат" деп "Таазим" аттуу ырын тартуулады. Келген эл бул ырды өзгөчө кабыл алды.

Таланттуу ырчыбыз 4 саат бою Ата Мекен, сүйүү, ата-эне жана жашоо тууралуу ырларды тынбай ырдап, күйөрмандарына эң жакшы маанай, эстетикалык рахат тартуулай алды. Концерттин соңунда бул кечеге катышкан бардык ырчылар сахнага чыгып, Гүлнур Сатылганованын "Каалайм сага" деген ырын ырчыга сюрприз катары тартуулап, бирден роза гүлүн сунушту.

Ошентип, билетке 700-1000 сом коротуп келген эл сахнанын көшөгөсү жабылганга чейин кол чаап ырчыны узатып, көңүлдүү маанайда тарап кетти.

Гүлнур Сатылганова Майкл Жексонго ыр арнады

Автор: Дамира Арстанова
Фото: Дамира Арстанова

00:04 24-04-2014

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 1069 0

17:26 2025-05-07 | Саясат

Садыр Жапаров Москвадагы Жеңиш парадына катышат 1293 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 2097 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1358 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1355 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1698 0

Архив

Комментарийлер (19)

nora_lelka

2014-04-24 01:04:21

Азия Микс эмес, style mix группасы. Концерт укмуштай сонун болду, аябай эс алдым. Озгочо жакканы мага wil be балдар бийчилер тобунун бийлегкндери жана Майкл Жексонго арнап ыраган ыры болду. Гульнур эжеге ийгилик

peri...97

2014-04-24 01:51:21

Эн сооонун эжеке талантынвзга тааазим

aika_sv

2014-04-24 02:22:11

Концертке жакшы даярданганы байкалып турат. Гулнур эжекеге ийгилик.

maks.kg.11

2014-04-24 04:26:48

Майкылга арнаган ырын жуктоп койгулачы супер инфо,гулнур эженин.

kama_future_millioner

2014-04-24 08:38:27

Sonun boluptur

kuba.kq8705

2014-04-24 08:46:22

gulnur eje beremenyi emesbi

kuzia

2014-04-24 08:54:44

Концертин качан коро алабыз сиздерден.

Topcubai

2014-04-24 08:56:40

ушул эжекем жагат да

asiret

2014-04-24 09:06:34

Гүлнур эже ар дайым СУПЕР да

nora_lelka

2014-04-24 10:06:26

Майкл Жексонго арналган ыры, willbe балдар бийчилер тобунун коштосунда укмуштудай сонун болду, мен аябай берилип уктум. Ошол ырын жуктоп койсонор аябай ыраазы болмокмун super.kg.

anash

2014-04-24 11:03:50

kuab.kq.8705 senda baikap koydunbu maga da oshondoi sezildi

momuntay

2014-04-24 12:45:52

Беременный эмес эжекебиз. Болгону тулку бойду жашыра турган койнокторду кийиптир. Туура кылат 45 аялдын формасы да анан эмне чапташтырып кийинип алса болбой калбайбы 25 теги кызга окшоп

flygirl

2014-04-24 13:10:32

momuntay, туура 46 чыккан аял ушундай кийингени дурус, бирок кызыл койногу Роза шакирова, жашыл койногу Алина Жетигенованын койногунун кочурмосу болуп калыптыр. Концертте жакшы номерлер болду. Бирок кийин ырлары бири бирине окшош кичине жадатып ийгиндей болду. Ийгилик.

-1

Supataev.Salamat

2014-04-24 13:31:50

Мына чыныгы концерт

ayka.1991kg

2014-04-24 20:54:35

Ушинтип еле коро албагандары жакпайт адамдар

aminali

2014-04-24 21:59:26

Men da Maikldyn fanatymyn,yr4y bolsom taazim kylmakmyn.

Комментарий калтыруу үчүн өз ысымыңыз менен кириңиз же каттоодон өтүңүз.