Салттуу музыка жумалыгынын алкагында Күү күнү өткөрүлдү (фоторепортаж)

Концерттин жүрүшүнөн.

Казакстандан келген Косбасар Ахмедияров жетиген аспабы менен.

Казакстандан келген Нургүл Жакыпбек кызы жетиген аспабы менен.

Рахатбек Көчөрбаев "Аксаткын менен Кулмырза" элдик дастанын күүгө салды.

Казакстандан келген Алтынай Жумагалиева домбрасы менен.

Түркиядан келген өнөрпоздор да өзүлөрүнүн улуттук аспаптарында таланттарын тартуулашты.

Түркиядан келген өнөрпоздор да өзүлөрүнүн улуттук аспаптарында таланттарын тартуулашты. Аткаруучулар Фатих Эренлер жана Гокхан Усал.

Кыл кыякчылар

Бул концертте кыл кыякта да күү ойнолду.

Концертке келген көрүүчүлөр

Концертте кыл кыякта да күүлөр ойнолду.

Концертке келген көрүүчүлөр

Шакен Жоробекова жыгач ооз комузу менен "Чыңгыз" күүсүн аткарды.

Концертке келген көрүүчүлөр

Төкмө акын Азамат Болгонбаев Күү күнүнө арналган концертте алып баруучулук милдетти аркалады.

Кечээ, 23-апрелде Токтогул Сатылганов атындагы Улуттук филармониянын кичи залында Салттуу музыка жумалыгынын алкагында Күү күнү өткөрүлүп, кылымдардын кылдарына катылган күүлөр ойнолду.

“Салттуу музыканын тарыхына кайрылсак, залкар өнөрпоздорубуз баа жеткис рухий мурастарын жаратып, бизге таберик катары калтырган. Ошонун ичинен аспапчылык өнөрүн ала турган болсок, ысымдары уламышка айланган Камбаркан, Кетбукалардан тартып кийинки залкар комузчу, кыякчы, чоорчулардын аттары маданияттын тарыхында алтын тамга менен жазылып калды. Улуу өнөр ээлери Кудайберген, Ниязалы, Токтогул, Карамолдо, Ыбырай, Атай, Кенжекара, Жолой, Мураталы, Саид, Асанбай деген залкарлардын ысымдары аспапчылык өнөрдө орду өзгөчө экенин айгинелейт”,- деп белгиледи “Устат-шакирт” борборунун өкүлү.

Белгилей кетсек, Салттуу музыка жумалыгы акын Токтогул Сатылгановдун 150 жылдыгына карата өткөрүлүүдө.

Автор: Динара Абдыкадырова