Быйылкы ажылык сапар былтыркыга караганда 100 долларга кымбатыраак

2014-жылдын ажылык сапары жалпысынан авиабилетти кошкондо 2400 долларды түзөт. Бул тууралуу бүгүн, 23-апрелде КРдагы Мусулмандар дин башкармалыгынын басма сөз кызматынан Асан Саипов билдирди. “Былтыркы ажылык сапарга баргандар Мадина шаарында 3 күн гана турушкан. Ал эми бул сапарда зыяратчылар аталган шаарда 8 күн болмокчу. Ошол себептен 2014-жылдын ажылык сапары 100 долларга кымбатыраак болот”,- дейт А.Саипов.

Маалыматта белгиленгендей, Сауд Арабиясы былтыркы жылдагыдай эле кыргызстандык зыяратчыларга 3600 орун бөлүп берди.

Эске салсак, 2013-жылдын ажылык сапарынын чыгымы жалпы 2300 долларды түзгөн.

Автор: Мальвина Уметбекова