Ошто Шайыр тапкычтар клубу алгачкы жолу шаар биринчилигин өткөрдү

Жалаң кыздардан түзүлөн "Шприц" командасы

"Интернационал" курама командасынын жигиттери оюн көрсөтүшүүдө.

Ош мамлекеттик университетинин студенттеринен түзүлгөн "ОшМУ" командасынын оюнчулары тамаша көрсөтүшүүдө.

Жеңүүчүлөргө даярдалган сувенир

Ырчы Темир Назаров жеңүүчүлөргө сыйлык тапшырууда.

1-орунду багындырган "ОшТУ" курама командасы

Жеңүүчүлөргө өзгөчө дипломдор, сувенирлер жасатылган.

Жаштар иштери боюнча комитетинин төрагасы Эрнис Кулназаров "ОГПИ" командасына сыйлык тапшырууда.

Калыстар тобу "разминка" оюнунда

Калыстар тобунун катарын ырчы Кенже Дүйшеева, Айжамал Кабылова, Темир Назаров, шоумен Аман Ибраев, "No name" командасынын капитаны Ема жана ММК өкүлдөрү толукташты.

Ош шаардык мэриясы жана Жаштар иштери боюнча комитети тарабынан Ош шаарынын биринчилигине Шайыр тапкычтар клубунун (ШТК) таймашы өттү. Ош шаарындагы окуу жайлардын студенттери жана шаар аймагынан топтолгон 7 команда 3 турдун негизинде шаар биринчилигине ат салышты.

Уюштуруучу, Жаштар иштери боюнча комитеттин төрагасы Эрнис Кулназаров шаар биринчилигине ат салышуу алгачкы жолу өтүп жатканын жана мындан ары да бул саамалык уланарын айтты.

Ошондой эле "Тамашоунун" Жогорку Лигасына Жаштар комитетинин курама командасын даярдап чыгарышарын кошумчалады.

Сынактын жыйынтыгында өздөрүнүн оригиналдуу тамашалары менен "ОшТУ" командасы биринчиликти, "ОшМУ" командасы 2-орунду, ал эми "ОГПИ" курама командасы 3-орунду багындырып, шаар мэриясы тарабынан баалуу белектерге ээ болушту. Бул тууралуу 26-апрелде аталган таймаштын уюштуруучулары маалымдашты.

Автор: Уулбү Каныбекова