Баткенде “Айгүл гүлү – достукка көпүрө” аталышында фестиваль болуп өттү

Баткен облустук музыкалык драма театрында Достук фестивалынын концерттик программасы өттү. КРнын Эмгек, миграция жана жаштар министрлиги тарабынан өткөрүлүп жаткан “Айгүл гүлү – достукка көпүрө” фестивалынын концерттик программасында өкмөттүн Баткен облусундагы ыйгарым укуктуу өкүлүнүн орун басары Сейит Абдырахманов өкүлчүлүктүн атынан куттуктап, элибизге ынтымак, жергебизге тынчтык каалады. Бул тууралуу бүгүн, 28-апрелде өкүлчүлүктөн Дилара Парпиева билдирди.

“Айгүл гүлү – достукка көпүрө” фестивалынын алкагында оюн-зооктор көрсөтүлдү. "Келечек жолундагы жаштар өлкөнүн, элдин негизги таянар күчү болору анык. Жаңы идеяларга сугарылган, мезгил сынынан өткөн кыргыз жаштары менен бардык максаттар ишке ашарына чоң ишенич бар",- деди Сейит Абдырахманов өз сөзүндө.

Автор: Айсана Паизова