Куралдуу күчтөрүнүн Башкы штабынын жетекчилиги Улуу Ата Мекендик согуштун ардагерлерин куттукташууда (фоторепортаж)

Полковник Ильязбек Субанкулов ардагер Азиз Нарынбаевдин көптөгөн жаштарга үлгү боло аларын айтып, аны менен эстеликке сүрөткө түштү.

Полковник Ильязбек Субанкулов ардагер Азиз Нарынбаев менен ал-жай сурашып жатат.

Полковник Ильязбек Субанкулов ардагер Азиз Нарынбаев менен баарлашууда.

Улуу Ата Мекендик согуштун катышуучусу, ардагер Азиз Нарынбаев.

Полковник Ильязбек Субанкулов ардагер Азиз Нарынбаевге 10 килограмм өлчөмүндөгү азык-түлүк тапшырды.

Үйдүн босогосун аттаган конокторду сыйламайынча кетирбеген карылардын бири Сүйүнбай Эралиевдин батиринин залында атайын стол даярдалыптыр.

Ардагер Сүйүнбай Эралиев менен баарлашуу учурунда...

Сүйүнбай Эралиевге акчалай сыйлык түрүндө жардам көрсөтүлдү жана 10 килограммга жакын салмактагы азык-түлүк тапшырылды.

КРнын Куралдуу күчтөрүнүн Башкы штабынын башчысы Асанбек Алымкожоев Сүйүнбай Эралиевди Улуу Жеңиштин 69 жылдыгы менен кызуу куттуктады.

Белгилүү акын Сүйүнбай Эралиевдин батири китептерге бай экенин байкоого болот.

Кыргыз Эл акыны Сүйүнбай Эралиевдин жарык көргөн китептери.

Сүйүнбай Эралиевдин сүрөттөрүнүн катарынан КРнын Президенти Алмазбек Атамбаев менен түшкөн сүрөтүн да көрүүгө болот.

Сүйүнбай Эралиевдин батиринде анын ушундай сүрөтү илинип турат.

Жолугушуу Сүйүнбай Эралиевдин батиринде болду.

Ардагер Сүйүнбай Эралиевдин медалдары...

Ардагер Сүйүнбай Эралиевдин эмгегин бул медалдар айтып турат.

Улуу Ата Мекендик согуштун катышуучусу, легендарлуу Панфилов дивизиясынын аскери, ардагер, Кыргыз Эл акыны, 92 жаштагы Сүйүнбай Эралиев.

КРнын Куралдуу күчтөрүнүн Башкы штабынын жетекчилиги Улуу Ата Мекендик согуштагы совет элинин Улуу Жеңишинин 69 жылдыгына карата ардагерлерди куттукташууда.

Бүгүн, 7-майда КРнын Куралдуу күчтөрүнүн Башкы штабынын башчысы, генерал-майор Асанбек Алымкожоев легендарлуу Панфилов дивизиясынын аскери, ардагер, Кыргыз Эл акыны, 92 жаштагы Сүйүнбай Эралиевге барып, алдыдагы Жеңиш майрамы менен куттуктады. Генерал ардагерге акчалай сыйлык түрүндө жардам көрсөттү жана 10 килограммга жакын салмактагы азык-түлүк тапшырды. Андан соң Алымкожоев акын менен жашоо-турмушу жөнүндө баарлашып, 9-майда Бишкекте өтүүчү митинг-реквиемге чакырды.

Мындан тышкары КРнын Куралдуу күчтөрүнүн Башкы штабынын башчысынын биринчи орун басары, полковник Ильязбек Субанкулов ардагер Азиз Нарынбаев менен жолугуп, акчалай сыйлык жана азык-түлүк тапшырды. Полковниктин айтымында, учурда Кыргызстанда жаштардын арасында чыныгы патриоттор бар. “Сиз аларга ар дайым үлгү болоруңузга мен ишенем. Кыргызстан сиз менен сыймыктанат”,- деп куттуктады Субанкулов.

Ушул сыяктуу куттуктоо иш-чаралары 7-8-май күндөрү өтөт. Ушул күндөрү аталган штабдын жетекчилери Улуу Ата Мекендик согуштун катышуучуларынын ар биринин жашаган жерине барып куттукташат.

Автор: Нургазы Аматов