Жалал-Абад. Ала-Бука районунда өспүрүмдөр арасында футбол боюнча мелдеш болуп өттү

6-майда Ала-Бука районунда 9-Май - Улуу Жеңиш майрамына карата Ала-Бука райондук мамлекеттик администрациясы жана Ала-Бука РИИБинин демилгеси менен өспүрүмдөр арасында футбол боюнча мелдеш болуп өттү. Бул тууралуу бүгүн ОИИБинин басма сөз кызматынан кабарлашты.

Ага Жалал-Абад облусунун Кара-Көл, Таш-Көмүр шаарларынын жана Токтогул, Аксы, Чаткал райондорунун жаш өспүрүмдөрүнөн турган 7 курама команда катышты.

Жыйынтыгында 1-орунду Ала-Бука районунун командасы, 2-орунду Кара-Көл шаарынын курама командасы алса, 3-орунга Токтогул районунан келген жаш футболчулар татыктуу болушту. Жеңүүчүлөр кубок, диплом, баалуу белектер жана медалдар менен сыйланышты.

Автор: Айсана Паизова