Ырчы Самара Каримова жеке концертинде Жумамүдүн Шералиев атындагы төш белги тагынды жана белекке темир тулпар алды (фоторепортаж)

Концертте ырчы патриоттук маанайдагы ырларды да аткарды.

Концертте Самара бир гана кыргызча эмес, казак, орус, итальян тилдеринде да обон созду.

Самаранын аткаруусундагы "Миллион алых роз" ыры элдин өзгөчө кол чабуусуна арзыды.

Унаанын ачкычы күтүүсүз белек болдубу, айтор, ырчы өзгөчө толкунданып турду.

Самаранын ата-энеси да ырчынын чыгармачыл кечесине күбө болушту.

Агаларынан кем калбаган эжекелери ырчыга үй-бүлөлүк бакыт каалап, белектерин беришти.

Самара Каримованын жердеш ишкер агалары ырчыга Хонда үлгүсүндөгү унаанын ачкычын тапшырышты.

Ырчынын жандуу үн менен залды жара ырдаганы элдин купулуна толду.

Ырчыны сахналашы Гүлнур Асанова куттуктап келди.

Концерттин дагы бир коногу белгилүү ырчы, обончу Бабаравшан Тургунбаев.

Концерттин жүрүшүнөн.

Жумамүдүн Шералиев атындагы фонддун өкүлдөрү ырчыга улуу композитордун атындагы төш белгини тагышты.

КРнын Эл артисти Токон Эшпаев карындашын той-кечеси менен куттуктаганы атайын Ош шаарынан келиптир.

Самара Каримова атасына "Сагынганда атакемди" ырын арнады.

Концерттин жүрүшүнөн.

Келген коноктордун баары Самараны тарбиялап өстүргөн анын атасы, кыргыздын белгилүү ырчысы, аккордеончусу Эрмек Каримовго ыраазычылык билдирип жатышты.

КРнын Маданият, маалымат жана туризм министри Камила Талиева менен ЖКнын депутаты Жусупали Исаев ырчыга "Лейлек" коомдук фондунун атынан Ардак грамота тапшырышты.

Концертти "Береке" бий тобу ачып берди.

Концерттин башынан аягына чейин ырчыны "Береке" бий тобу коштоп бийледи.

Келген көрүүчүлөрдүн көпчүлүк бөлүгүн улуу муундун өкүлдөрү түзүштү.

Самаранын бир тууган иниси Сагынбек Каримов эжесин куттуктап ыр белек сунду.

Концертке даярдык.

Бүгүн, 8-майда Т.Сатылганов атындагы Улуттук филармонияда жаш ырчы Самара Каримованын чыгармачылык той-концерти болуп өттү. Концертти "Береке" бий тобу ачып, андан соң сахнага бүгүнкү күндүн күнөөкөрү Самара Каримова чыга келди. Кечени алып баруу милдети КРнын Эл артисти Саламат Садыкова менен куудул Жаныбек Алыкуловго тапшырылыптыр. Алып баруучулар эл менен амандашып алгандан кийин сахнага КРнын Маданият, маалымат жана туризм министри Камила Талиева, ЖКнын депутаты Жусупали Исаевди чакырышты.

"Эмгек менен дос болгуң келсе, анда келгин Лейлекке" деп сөз баштаган министр Баткен жергесинен көптөгөн таланттардын чыкканын, алардын бири Самара Каримова экенин айтып, ырчыга чыгармачылык ийгилик каалады. Ал эми депутат Жусупали Исаев өзүндөй талантты тарбиялаган Эрмек Каримовго, ырчынын атасына ыраазычылык билдирип, ал тууралуу жылуу пикирлерди айтып өттү. Сөзүнүн соңунда Самарага "Лейлек" коомдук фондунун атынан Ардак грамота тапшырды.

Концерттин аты айтып тургандай эле чыныгы той-концерт болду. Ырчы белекке маарыды. Дегеним, ырчыны куттуктап жердеш ишкер агалары, агаларынан кем калбаган эжелери, Аялдар конгрессинин, Жумамүдүн Шералиев фондунун өкүлдөрү келип, куттук сөздөрүн айтып, белек-бечкек, сыйлыктарды тапшырышты. Самара Каримова улуу обончу жана композитор Жумамүдүн Шералиев атындагы төш белгини тагынып, аталган фонддун түштүк жергесиндеги координатору болуп дайындалып, күбөлүктү колго алды. Ырчынын жердеш ишкер агалары куру келбей, "өзүбүз Германиядан айдап келдик" деп Хонда үлгүсүндөгү унаанын ачкычын тапшырышты. Куудул Жаныбек Алыкулов "Япониянын машинасы Германияда эмне кылып жүрөт?" деп тамаша ыргытып, Мерседес унаасы тууралуу азили менен залды күлкүгө бөлөдү.

Той-концертте ырчы жалгыз ырдаган жок. Аны чыгармачылык кечеси менен куттуктап КРнын Эл артисти Токон Эшбаев, Бабаравшан Тургунбаев, Абидин Темиров, Гүлнур Асанова, Нурлан Насип, Гүлжигит Калыков жана башкалар келип, көрүүчүлөргө ыр белек тартуулашты. Залдын 100 пайызын ээлеген эл жандуу үн менен коштолгон ыр кечеден эстетикалык рахат алып, ырчыга чыгармачылык ийгилик каалап, таркап кетишти.

Самара Каримова концертинде белекке маарыды

Автор: Дамира Арстанова
Фото: Дамира Арстанова

21:33 08-05-2014

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 705 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 883 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 845 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1060 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1277 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 597 0

Архив

Комментарийлер (18)

Nurzida-88

2014-05-08 22:39:37

Таланттуу кыз экен. Онору оркундой берсин.

fara2503

2014-05-08 23:38:43

Бул ырчы айымды биринчи жолу корушум

pakistanka

2014-05-09 00:48:11

samara azamatsin ...

zeirax19

2014-05-09 00:50:47

Заман олку солку болуп турганда Тайлиева министрликте омур бою олтуруп калчуудай болбой.Тош белги берип майдаланбай,"Эл артисти" наамын эле карматып койбой беле синдисине

-7

AK-47.

2014-05-09 01:21:03

Ийгилик каалайм укпасамда ырларын

dastan_nookat

2014-05-09 08:05:31

Kutuktaibuz samara eje

momuntay

2014-05-09 10:51:55

Азамат Самара. Талантына, унуно таазим. Сенде баары топ келишкен. Он десе он, ун десе ун, талант десе талант, чырай десе чырай

admin_portal

2014-05-09 11:09:33

Nurgul76, Begimkyz, Bekadyl, жеке билдирүүлөр үчүн купуяны колдонгула!
Билдирүүлөрүңөр өчүрүлдү.

hanisa

2014-05-09 11:33:01

Munuku dele ashar konsert boluoturgo
Maga jakkan jok.Chyn ele 91 jylkyby?

-3

hanisa

2014-05-09 11:36:01

Atasyna jakwyrak rubawka alyp berip koiboibu

оштук

2014-05-09 22:28:05

Ошто обу жоктонуп 7-кун концерт берип.Зал бош эле калып атты.Эми Бишкекке келип тош белги тагынып,ар кандай белектерди алып...Жаш ырчы болгон сон талантын жакшылап бутун кыргызга таанытбайбы башта.

+12

kristiano

2014-05-10 02:54:00

атан барда эл тааны, Асан барда элге тааныл))))ийгилик

zhainadamir

2014-05-10 17:02:25

Даа...

Zeinepa

2014-05-12 09:50:41

Сонун азамат Самара концертке барып келгендей болдум

aida2013

2014-06-03 14:26:22

азамат Самара бар бол бай бол бактылуу бол!

Комментарий калтыруу үчүн өз ысымыңыз менен кириңиз же каттоодон өтүңүз.