Орусиялык ырчы Александр Розенбаум биринчи жолу Бишкекте концерт берди (фоторепортаж)

Концерттин жүрүшүнөн.

Александр Розенбаумдун музыкалык жамааты.

Жаш активист Айбек Баратов Александр Розенбаумдун чыгармачылыгын сүйүп угат экен.

Концерттин жүрүшүнөн.

Александр Розенбаум табиятынан эркектин күчтүү баритон үнүнө ээ ырчы катары белгилүү.

Концерттин жүрүшүнөн.

Александр Розенбаум "Афганистан" ырын аткарууда.

Филармониянын залы 100 пайыз элге толду.

Музыканттардын аспаптары.

Александр Розенбаумдун концертине Туратбек Касымбеков да келиптир.

Ырчы Гүлнара Тойгонбаева - Александр Розенбаумдун күйөрманы. Ал бул концертке кызы менен келген.

Орусиялык белгилүү ырчыны кыргызстандык күйөрмандар дүркүрөгөн кол чабуулары менен тосуп алышты.

Бүгүн, 12-майда орусиялык белгилүү ырчы Александр Розенбаум өзүнүн чыгармачыл тобу менен Бишкекте Улуу Жеңиш күнүнө карата “Эң мыкты” аталышындагы концертин берди. Музыкалык кече Т.Сатылганов атындагы Улуттук филармонияда орун алды. Саат 19:00гө белгиленген концерттин көшөгөсү туптуура 19:15те ачылды. Филармониянын залы 100 пайыз ырчынын күйөрмандарына толуп, элдин дүркүрөгөн кол чабуулары менен Александр Розенбаум чыга келди.

Концертте ырчынын аткаруусунда көпчүлүктүн жүрөгүнөн орун алган согуш, сүйүү, жашоо темасындагы белгилүү жана жаңы ырлар жаңырды.

Кошумчалай кетсек, ушул эле концерт 11-майда Канттагы авиабазада коюлган. Ошондой эле 13-майда да улантылат. Композитор Александр Розенбаум табиятынан эркектин күчтүү баритон үнүнө ээ ырчы катары белгилүү.

Автор: Динара Абдыкадырова
Фото: Динара Абдыкадырова