Леонардо ди Каприо менен космоско учуу жолдомосу 1 миллион долларга сатылды

Кайрымдуулук аукционунда Леонардо ди Каприо менен космоско учуу жолдомосу 1 миллион долларга сатылды. Жыл сайын өткөрүлчү бул аукцион Канн шаарына жакын жайгашкан мейманканалардын биринде болуп өттү. Бул тууралуу бүгүн, 23-майда чет элдик маалымат каражаттары жазып чыгышты.

Маалыматка ылайык, актёр Леонардо ди Каприо жолдомону өзү саткан. Мындан сырткары Энди Уорхол жана Пабло Пикассонун картиналары да сатылган. Аны менен катар аукционго дизайнерлердин кече көйнөктөрүнүн коллекциялары коюлган. Алардын бирин орусиялык ишкер Игорь Сусин 3,5 миң еврого сатып алып, аны аялына белек кыларын айткан.

Бул жылы аукциондо жалпысынан 38 миллион доллар чогулган. Түшкөн каражат, аукциондун салты боюнча, СПИД оорусун изилдөө иштерине берилмекчи.

Автор: Дамира Арстанова