Актриса, фотомодель Ким Кардашьян бойдокчулук жашоосу менен коштошот

Актриса болочок жолдошу Канье Уэст менен.

Америка жылдызы, актриса, фотомодель Ким Кардашьян бүгүн, 24-майда бойдокчулук жашоосу менен коштошкону турат. Анын урматына 22-майда сиңдилерин жана жакын курбуларын чогултуп, Париждеги ресторандардын биринде чакан кече, "девичник" өткөрдү. Ал эми шаардын башка бурчунда Ким Кардашьяндын ата-энеси, чоң энеси жана жакындары үйлөнүү үлпөткө даярдануу максатында жолугушту. Бул тууралуу актриса жеке баракчасына жарыялап, сүрөттөрүн кошо илди.

Белгилей кетсек, 33 жаштагы Ким Кардашьян менен анын болочок жолдошу 36 жаштагы рэпер Канье Уэст бүгүн Флоренцияда баш кошушат. Бул актрисанын экинчи никеси болсо, Канье Уэсттин биринчи никеси.

Автор: Дамира Арстанова
Фото: Интернеттен алынды