Саламаттыкты сактоо министрлиги журналисттердин коштоосунда Инфекциялык ооруканада рейд өткөрдү (фоторепортаж)

Бейтап балдар жана алардын энелери эч кандай даттануулар жок экенин министр айымга айтып беришти.

Бейтап балдар жана алардын энелери

Ооруканага имарат жетишпегендиктен, айрым бейтаптар ушундай керебеттерге жатууга аргасыз болууда.

Инфекциялык оорукананын башкы дарыгери журналисттерге маек берүүдө.

Микроскоп

Лабораторияга керектүү жаңы сатып алынган заманбап жабдуу (сол жакта)

Инфекциялык оорукананын клиникалык-биохимиялык лабораториясынын кызматкери жаңы сатып алынган жабдуу жөнүндө айтып берүүдө.

Инфекциялык оорукананын клиникалык-биохимиялык лабораториясы

Наристелер үчүн тараза

Инфекциялык оорукананын клиникалык-биохимиялык лабораториясынын ичи

Бейтап каттоодон өтүүдө.

Журналисттерге медициналык маскалар таратылды.

Инфекциялык оорукананын башкы дарыгери Гүлжигит Аалиев жана саламаттыкты сактоо министри Динара Сагынбаева

Динара Сагынбаева Инфекциялык оорукананын кызматкери менен мекеменин жагдайы тууралуу сүлөшүп жатат.

Журналисттер саламаттыкты сактоо министринен маек алышууда.

Рейддин жүрүшүнөн...

Республикалык инфекциялык клиникалык оорукана

Бүгүн, 26-майда КРнын Саламаттык сактоо министрлиги Республикалык инфекциялык клиникалык ооруканада рейд жүргүздү. “Рейд алдын ала пландалган жана сүйлөшүлгөн” деген ойлор жаралбашы үчүн медициналык мекеме журналисттердин каалоосу менен тандалды.

Иш-чаранын жүрүшүндө Инфекциялык оорукананын жетекчилиги үчүн рейд күтүүсүз болгону байкалды. Бирок буга карабастан, саламаттыкты сактоо министри Динара Сагынбаеванын жана журналисттердин тарабынан эч сын-пикир айтылган жок.

Оорукананын башкы дарыгери Гүлжигит Аалиев рейддин катышуучуларын тосуп, маек берип, журналисттердин бардык суроолоруна жооп берди. Андан соң оорукананын ар бир имаратына алып барып, ичтерин көрсөтүп, болгон жагдай боюнча айтты.

“2 жыл мурун инфекциялык оорулар менен келгендер бир эле кабыл алуучу жайда катталчу. Албетте, ушунун себебинен узун кезек тизилип калчу. Ошондуктан кошумча кабыл алуучу жайларды ачтык, эми бейтаптар көп күтпөй эле жардам алышууда. Бүгүнкү күнү жалпысынан 5 кабыл алуучу жай бар. Ар биринен күнүнө 250гө чукул адам өтөт”,- деди дарыгер.

Ошондой эле ал: “Учурда биз 190 койкага пландалган имаратка муктажбыз. Анткени айрым бейтаптарды коридорлордогу керебеттерге жаткырууга аргасыз болуп жатабыз”,- деди.

Белгилей кетсек, Гүлжигит Аалиев 2012-жылы Республикалык инфекциялык оорукананын башкы дарыгери кызматына дайындалган. Министр айым Д.Сагынбаеванын айтымында, Аалиев мекемени жетектеп баштагандан бери нааразылык арыздар бир топ азыраак түшө баштады.

Автор: Нургазы Аматов