Бүгүн Нурак Абдырахмановдун шакирттери отчёттук концертин беришти (фоторепортаж)

“Эн белги” системин балдарга үйрөткөн жаш устаттары Нурак Абдырахмановдун "Мезгил жаңырыгы" күүсүн чертишти.

Кичинекей Ислам "Апама" ыры менен.

Азиз жана Назгүл "Сүйүү азабы" аттуу муңдуу ыры менен.

Мирбек Атабеков жана Азиз гитаранын коштоосунда "Ильяздын ырын" чогуу аткарышты.

Бүбүсара Бейшеналиева атындагы окуу жайдын студенттери "Манас" айтышты.

Бакыт Жакыпов Нурак Абдырахмановдун күүсүн чертүүдө.

Юлия Руцкая Нурак Абдырахмановдун "Аппак сүйүү" ырын аткарууда.

Концертке келген көрүүчүлөр.

Юлия Руцкая жана Бакыт Жакыпов.

Таланттуу Назгүл жана Ислам.

Концертке келген көрүүчүлөр.

Нурак Абдырахмановдун акыркы шакирттери анын күүлөрүн аткарышты.

Бул концертке КРнын Жогорку Кеңешинин депутаты Дастан Бекешев да келиптир.

Нурак Абдырахмановдун акыркы шакирттери анын күүлөрүн аткарышты.

Нурак Абдырахманов акыркы шакирттерине комуз үйрөтүүдө.

Концерт төкмө акын Азамат Болгонбаевдин комузчуну жоктогон ыры менен ачылды.

Бүгүн, 26-майда Бишкектеги Токтогул Сатылганов атындагы Кыргыз улуттук филармониясында комузчу, күүчү, ырчы жана аткаруучу Нурак Абдырахмановдун шакирттери отчёттук концертин беришти.

Концертте Нурак Абдырахмановдун “эн белги” усулунда (ноталарды билбей туруп комузда ойноо инновациялык системи) 9 ай бою комузда үйрөнүшкөн жаш таланттар улуу инсандын күүлөрүн аткарышты. Алгач концерт төкмө акын Азамат Болгонбаевдин комузчуну жоктогон ыры менен ачылды. Муну менен катар өрнөктүү өмүрүн чыгармачылыкка арнап кеткен Нурак Абдырахманов тууралуу видеотасма көрсөтүлдү.

Андан соң сахнага өзүнүн көз жашын араң кармаган ырчы Юлия Руцкая чыгып: “Нурак ага бул концертти абдан күткөн болчу. Тилекке каршы, шум ажал бир күн калганда арабыздан алып кетти. Концертти өткөрбөй эле коёлу деп чечкенбиз, бирок бул балдар Нурак аганын акыркы шакирттери болгондуктан, анын үй-бүлөсү уруксат беришти”,- деди.

Концерттин форматы Нурак Абдырахмановдун дүйнө салгандыгына байланыштуу өзгөртүлүп, ал эскерүү кече катары өткөрүлдү.

Бул концертке Мирбек Атабеков да катышып, “эн белги” усулунда сабак алган таланттар менен өз репертуарындагы ырларды аткарды. Ошондой эле Бүбүсара Бейшеналиева атындагы окуу жайдын студенттери өнөрлөрүн тартуулашты.

Маалымат үчүн айта кетсек, “эн белги” системин өздөштүрүү белгилүү комузчу Нурак Абдырахмановдун жетекчилигинде өткөрүлгөн. Ага көз оорусунан жабыркаган балдардын мектеп-интернатынын окуучулары жана борбордогу жогорку окуу жайлардын студенттери катышып, комуз черткенди үйрөнүп чыгышкан.

Бул долбоорду “Сорос-Кыргызстан” фондунун көмөгү аркылуу “Айгине” маданий-изилдөө борбору ишке киргизген.

Эскерте кетсек, кечээ, 25-майда Нурак Абдырахманов 67 жаш курагында дүйнө салды.

Автор: Динара Абдыкадырова
Фото: Динара Абдыкадырова

21:28 26-05-2014

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 836 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 988 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 883 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1107 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1332 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 642 0

Архив

Комментарийлер (7)

Jamalym

2014-05-26 22:12:12

Журогум ооруп турат :( Жузунон нуру тогулгон элибиздин табылгыс инсаны болчу."Аппак суйуу" чыгармасы эле кандай мактоого татыырлык ыр!Агайыбыздын жаткан жери жайлуу болсун!

nursyi

2014-05-26 23:08:13

. Бир кун калганда отуп кетип,ото кайгылуу иш болуптур. Таланттуу инсан эле, аркы дуйносун берсин!!!

nurkasym-2014

2014-05-27 07:53:18

Нурак атадай инсандар элдин эсинде,чыгармалары элдин журогундо сакталып кала берет.Жаткан жери жайлуу топурагы торко болсун.Жараткан АЛЛА бейишти насип кылсын.

Supataev.Salamat

2014-05-27 07:57:45

Окунучту.....

Desmond

2014-05-27 08:42:33

Жаман болуптyр.
Жаткан жери жайлуy болсyн!

admin_portal

2014-05-27 09:42:41

mir1980 - эскертүү!
Жалаң баш тамгалар менен жазууга тыюу салынат.
Suke93, Саламатсызбы!
Тилекке каршы, бере албайбыз.

juma82

2014-05-27 10:19:22

Нурак ата кыргыздын эн атактуу инсаны. Нурак ата журогубуздо туболук жашайт!

Комментарий калтыруу үчүн өз ысымыңыз менен кириңиз же каттоодон өтүңүз.