Бишкектеги Свердлов райондук социалдык өнүктүрүү башкармалыгынын кызматкерлери жакырларга бөлүнгөн көмүрдү өздөрү алып коюшкандыгы айтылды

Бишкектеги Свердлов райондук социалдык өнүктүрүү башкармалыгынын кызматкерлери жалган маалыматтын жана кол коюунун негизинде аз камсыз болгондорго бөлүнгөн көмүрдү өздөрү алып коюшкандыгы маалым болду. Бул тууралуу бүгүн, 27-майда Мамлекеттик экономикалык кылмыштарга каршы күрөшүү кызматынын маалымат кызматынан билдиришти.

Маалыматка ылайык, Мамлекеттик экономикалык кылмыштарга каршы күрөшүү кызматы тарабынан жүргүзүлгөн ыкчам иликтөө иш-чарасынын натыйжасында аталган Райондук социалдык өнүктүрүү башкармалыгынын жетекчилиги тарабынан жасалган коррупциялык фактынын бети ачыкталган.

Эске салсак, ушундай жагдай мурда Октябрь райондук социалдык өнүктүрүү башкармалыгында да катталган.

Автор: Мальвина Уметбекова