Бишкекте Балдар күнүнө карата кинотеатрларда майрамдык иш-чаралар өтөт

Бишкекте 1-Июнь – Балдарды коргоонун эл аралык күнүнө карата бир катар майрамдык иш-чаралар пландаштырылууда. Бул тууралуу бүгүн, 27-майда мэриянын басма сөз кызматынан билдиришти.

Белгилүү болгондой, кинотеатрларда балдар майрамдары каралган, ага катышуу акысыз. "Ала-Тоо" кинотеатры саат 12:00дөн 12:40ка чейин кызыктуу шоу-сынак тартуулайт, кичинекей жеңүүчүлөргө сыйлыктар каралган.

Ошондой эле "Космопарк" борбору "ABC" балдар соода дүкөнү менен биргеликте саат 12:00дөн 17:00гө дейре белгилүү мультфильмдик каармандар менен чогуу сынактарды, ыр-бий уюштурат.

Мындан тышкары ошол эле күнү Түштүк дарбаза аймагында "ARDOR" оттор театры фейерверктердин 1 сааттык майрамын тартуулайт. Андан соң асманга кытай фонарлары учурулат.

Автор: Мальвина Уметбекова