Залкар комузчу Нурак Абдырахманов Байтик айылында жерге берилди (фоторепортаж)

Мурунку акыйкатчы Турсунбек Акун Улуттук филармонияда өткөн Нурак Абдырахмановду акыркы сапарга узатуу зыйнатына келди.

Филармонияга каттагандардын саны көп болду.

Залкар комузчунун көзү тирүүсүндө алган сыйлыктары...

Вице-премьер-министр Тайырбек Сарпашев жана КРнын Маданият, маалымат жана туризм министри Камила Талиева да келишти.

Залкар комузчуну акыркы сапарга узатуу зыйнаты аскердик формачандардын коштоосунда өттү.

Нурак Абдырахмановдун сыйлыктары...

Залкар комузчуну акыркы сапарга узатуу зыйнаты аскердик формачандардын коштоосунда өттү.

Нурак Абдырахмановдун талантын сыйлагандардын, туугандарынын, шакирттеринин алдына анын жакын санаалаштары чыгып сүйлөп жатышты. Сөз сүйлөөгө вице-премьер-министр Тайырбек Сарпашев чакырып жатты.

Аскердик оркестр армандуу күү чалып жатты.

Аскерлер маркумдун сөөгүн Байтик айылына алып жөнөштү.

Залкар комузчунун артында жубайы жана уул-кыздары калды.

Маркумдун сөөгү Байтик айылында жерге берилди.

Сөөктү жерге берүүдөн мурун асманга 3 үч ирет ок атылды.

Уулу Мундуз атасынын адилеттүүлүгүн, эч бир жанга катуу үн катпаганын жана акыркы жылдары оору менен күрөшүп келгенин айтып берди.

Залкар комузчуну акыркы сапарга узатууга Курмангазы Азыкбаев жана башка атактуу инсандар келишти.

Маркумга арналып куран окулду.

Бүгүн, 27-майда Бишкекте залкар комузчу Нурак Абдырахмановду акыркы сапарга узатуу зыйнаты болуп өттү. Ага комузчунун жакындары, шакирттери, анын талантын сыйлаган жарандар, акындар, маданият ишмерлеринен Сардарбек Жумалиев, Саламат Садыкова, Курмангазы Азыкбаев, Кутман Жолдошев, Азамат Болгонбаев, Садык Шер-Нияз, вице-премьер-министр Тайырбек Сарпашев, маданият, маалымат жана туризм министри Камила Талиева катышты. Зыйнат алгач Токтогул Сатылганов атындагы Улуттук филармонияда 1 сааттан ашык убакыт болуп, андан соң комузчунун сөөгү Байтик айылында жерге берилди.

Кошумчалай кетсек, 25-майда 67 жаш курагында узакка созулган оорудан улам дүйнө салган комузчу 8 уул, 6 кыздуу болгон. Уулдарынын бири Мундуз Нурак уулу атасы акыркы күнгө чейин комузду колунан түшүрбөгөнүн айтты. “Атама өткөн жылы операция жасалган. Дарыгерлер атамдын ооруп жатканын, бирок бул жылы операция жасоо ага оор болуп каларын айтышкан. Ооруканадан үйгө чыгарып келгенде балдар-кыздары тегеректеп отурдук. Уулдарын адилеттүү болууга, чын сүйлөөгө, Кудайды эстеп жашоого тарбиялаган атабыз акыркы күнүнө чейин комузун колунан түшүргөн жок. Ошол комуздун үнү менен бир нерселерди издеп жаткандай болду”,- деди ал.

Эске салсак, комузчу, күүчү, ырчы жана аткаруучу Нурак Абдырахманов узакка созулган оорудан улам 25-майда 67 жаш курагында көз жумду.