Борбор калаада Балдарды коргоо күнүнө карата жетим балдарга оюн-зоок программасы уюштурулат

Бишкекте 30-май күнү саат 10:00дөн 16:30га чейин Балдарды коргоо күнүнө карата 160ка жакын жетим балага арналган оюн-зоок программасы уюштурулат. Бул тууралуу “Элим барсыңбы?” кайрымдуулук фондунан билдиришти.

Маалыматка ылайык, аталган күнү 50гө жакын автоунаа менен жетим балдар жана муктаж үй-бүлөлөрдүн балдарды "Асанбай" сейил багы тарапка жүрүш жасашат. Ошондой эле балдарга сейил бакта оюн-зоок тартууланып, түшкү майрамдык тамак берилип, 16:30да «Манас» кинотеатрында мультфильм көрсөтүлмөкчү.

Автор: Мальвина Уметбекова