Бириккен Улуттар Уюмунун тынчтык операцияларына 20дан ашуун кыргызстандык аскер катышууда

Бириккен Улуттар Уюмунун тынчтык орнотуу операцияларына кыргызстандык 23 аскер катышууда. Бул тууралуу бүгүн, 28-майда Тышкы иштер министрлигинен билдиришти.

Маалыматка ылайык, кыргызстандык аскерлер Либерия, Судан жана Гаитиде кызмат өтөөдө. Тынчтык орнотуучулар жаңжал чыккан жерде атышууну токтотуу режиминин сакталышына гана көз салбастан, ошол өлкөнүн согуштан кийинки калыбына келүү аракеттерине да жардам берет. Кыргызстан мындай миссияларга катышып жаткан Борбор Азия ичинен биринчи, ал эми КМШ боюнча төртүнчү өлкө болуп эсептелинет.

Автор: Мальвина Уметбекова