Жалал-Абадга арабиялык ишкер 2 кабаттуу оорукана салат

28-майда Жалал-Абад шаарынын мэри Муктар Арапбаев Арабиядан келген жеке ишкер Зиалин Ниазини кабыл алды.

Анда маалым болгондой, арабиялык ишкер 20 жылдан бери Жалал-Абад шаарындагы "НУР" ачык акционердик коому менен бирге иш алып келе жатканы, эми Жалал-Абад шаарына чоң инвестиция тартуу ниетинде экени айтылды. Эгерде жер маселеси чечилсе, 2 кабаттуу оорукана саларын кошумчалады ал.

Мындай сунушту калаа башчысы колдоп, жер тилкесин көрсөтүү пландаштырылууда. Эгер долбоор иш жүзүнө ашып калса, шаар тургундарынын дагы бир көйгөйү чечилерин баса белгиледи Муктар Арапбаев.

Автор: Айсана Паизова
Фото: Жалал-Абад мэриясынын басма сөз кызматы