Баш калаада коррупцияга каршы күрөшүүгө арналган плакаттардын көргөзмөсү өтөт

Бишкекте 30-май күнү “Мен жана коррупция” сынагынын алкагында коррупцияга каршы күрөшүүгө арналган 60ка жакын плакаттын көргөзмөсү өтөт. Бул тууралуу бүгүн, 29-майда иш-чаранын уюштуруучулары билдиришти.

Маалыматка ылайык, иш-чара Саясат жана өнүгүү институту жана Экономика министрлиги тарабынан уюштурулууда. Жеңүүчүлөр акчалай сыйлыктар жана сертификаттар менен сыйланышат.

Аталган көргөзмөгө премьер-министр Жоомарт Оторбаев, экономика министри Темир Сариев жана Дүйнөлүк банктын Кыргызстандагы өкүлчүлүгүнүн жетекчиси Александр Кремердин келиши күтүлүүдө.

Автор: Мальвина Уметбекова