Кыргызстанда бардык коммуналдык тейлөөлөргө төлөөнүн бирдиктүү эсебин киргизүү пландалып жатат

КРнын Энергетика жана өнөр жай министрлиги Кыргызстанда бардык коммуналдык тейлөөлөргө төлөөнүн бирдиктүү эсебин киргизүүнү пландап жатат. Бул тууралуу бүгүн, 29-майда тегерек столдун жүрүшүндө аталган министрликтин башчысы Осмонбек Артыкбаев билдирди.

Анын айтымында, ушул ниетти ишке ашырыш үчүн төмөнкү үч маселени чечүү зарыл:

1. Коммуналдык тейлөөлөрдү колдонуучулардын маалымат базасынын техникалык унификациясын изилдөө жана кардарлардын көрсөткүчтөрүн чогулткан бирдиктүү башкаруу борборун түзүү;

2. Электр энергиянын колдонуучуларынын бирдиктүү маалымат базасын жана бөлүштүрүүчү ишканалардагы эсептердин бирдиктүү системин түзүү;

3. Унификация жана төлөөлөрдү бөлүштүрүү боюнча механизмди орнотуу.

Автор: Нургазы Аматов