Таласта Балдарды коргоо күнүнө карата бир катар ишканалар майрамдык иш-чараларды уюштурушту

Балдарды коргоо күнүнө карата Талас районунун Көк-Ой айылындагы Маданият үйүндө райондон чакырылган 300 балага концерттик программа тартууланып, белектер берилди. Бул тууралуу 2-июнда Талас районунун администрациясынын басма сөз кызматынан билдиришти.

Маалыматка ылайык, райондон чакырылган 300 балага аймактагы чакан насыя берүүчү компаниялар, Көк-Ой айыл өкмөтү, Талас райондук мамлекеттик администрациясы балмуздак жана башка белектерди тапшырышты.

Ошондой эле Талас облустук драма театры тарабынан “Алтын куш” жомогу сахналаштырылып коюлду.

Автор: Мальвина Уметбекова