Борбор калаанын мэри өнүктүрүү планын кайра иштеп чыгууга кошумча убакыт сурады

Бишкек шаарынын мэри Кубанычбек Кулматов шаардык кеңештен борбор калааны өнүктүрүү боюнча долбоорду кайрадан иштеп чыгууга 9-июнга чейин кошумча убакыт сурады. Бул тууралуу бүгүн, 3-июнда шаардык кеңештин маалымат кызматынан билдиришти.

Маалыматка ылайык, шаардык кеңеш мэрия даярдаган Бишкекти өнүктүрүү боюнча планды артка кайтарып, кайра иштеп чыгууга 1-июнга чейин мөөнөт берген.

Эске салсак, шаардык кеңештин төрагасы Марат Аманкулов аталган мөөнөттүн ичинде мэр планды кайра иштеп чыкпаса, ага ишеним көрсөтпөө демилгеси көтөрүлөрүн эскерткен.

Автор: Мальвина Уметбекова