Улуу манасчы Жусуп Мамайдын керээзи аткарылып, сөөгү атасы жаткан Күркүрөө бейитине коюлду

2-июнда Ак-Чий аймактык эл аянтында залкар манасчы Жусуп Мамайды акыркы сапарга узатуу зыйнаты болуп өттү. Ага Кыргыз Республикасынын Президентинин аппаратынын жетекчиси Данияр Нарымбаев, КРнын Вице-премьер-министри Эльвира Сариева, Жогорку Кеңештин депутаты Каныбек Иманалиев, жазуучу Кеңеш Жусупов, манас таануучу Топчубек Тургуналиев сыяктуу коомчулуктун өкүлдөрү катышты.

Ошондой эле Кызыл-Суу автономдуу райондук эл курултайынын орун басар мүдүрү Өрүгүл Жапар, мурдагы автономдуу райондук саясий кеңештин орун басар төрагасы Мамбетасан Токталы, филология илимдеринин доктору, манас таануучу Адил Жуматурду, Макелек Өмүрбай, Мамбеттурду Мамбетакун өңдүү илим ишмерлери катышты.

Жалпысынан Бээжин, Үрүмчү, Кызыл-Суунун аймактарынан 30га чукул илимпоз, ишмер, акын-жазуучулар, 6000ге жакын ак калпак кыргыз калкы катышты.

Аза күтүү иш-чарасын облус башчысы Парат Турду башкарды. Райондук адабият, көркөм-өнөр бирикмесинин жетекчилери манасчынын өмүрү тууралуу сөз сүйлөштү.

Данияр Нарымбаев КРнын Президенти Алмазбек Атамбаевдин залкар манасчы Жусуп Мамайдын казасына арнаган атайын аза сөзүн окуду. Жогорку Кеңештин депутаты, ЖКнын Эл аралык иштер боюнча комитетинин төрагасы Каныбек Иманалиев караңгыда көз тапкан, капилеттен сөз тапкан, тубаса чечен, тили менен эл көңүлүн толкутуп сүйлөгөн Жусуп Мамай залкар манасчылардын төрөсү экенин айтып, анын артында дүйнө жүзүндөгү 6 миллион кыргыз урпагы калды деп баа берди.

Манасчынын жаназасы окулуп, 300гө чукул унаанын коштоосундагы улуу топ улуу инсандын сөөгүн жерге берүү үчүн жөнөп кетти. Улуу инсандын сөөгү 86 чакырым алыстагы Кара-Булак айылына караштуу Күркүрөө бейитине коюлду. Күркүрөө бейитине кезинде залкар манасчынын атасы Мамайдын сөөгү коюлган. Манасчы Жусуп Мамай көзү тирүү кезинде сөөгүн Күркүрөө бейитине коюуга жазма керээз калтырганына байланыштуу улуу инсандын тилеги орундалды.

Бул тууралуу SUPER.KG порталынын kasaba деген ник менен катталган активдүү колдонуучусу Чаршеналы Абдыкерим уулу билдирди.

Автор: Айпери Ганыжан кызы
Фото: Чаршеналы Абдыкерим уулу

14:32 03-06-2014

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 386 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 707 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1117 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4323 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2105 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 2002 0

Архив

Комментарийлер (6)

aikol87

2014-06-03 15:20:43

жаткан жери жайлуу болсун. Аппак болуп калпак кийип алышканы сонун болуптур. Бизде болгондо чачтарын саксайтып жыланбаш барышмак.

nursyi

2014-06-03 16:03:31

Ак калпак бизге караганда, Кытайда барктуубу дейм да.

sibiryak

2014-06-03 17:49:54

nursyi, Мен дагы ошол нерсени байкадым.

maks100589

2014-06-03 16:31:21

"Жарык көрсөң жылдыз деп бил, Ак калпак кийгендерди Кыргыз деп бил" деген кеп бекеринен айтылбаса керек да. Жусуп атабыздын жаткан жери жайлуу болсун.

kasaba

2014-06-03 23:46:14

Ыракмат , толук болбой калган Маалыматты Жөнөтүп берүүгө Аракет Жасайым .

Likvidator

2014-06-04 11:11:47

Жаткан жери жайлуу болсун!Чыныгы Кыргыздар Кызыл-Сууда окшойт деп ойлоп калдым.

Комментарий калтыруу үчүн өз ысымыңыз менен кириңиз же каттоодон өтүңүз.