Мелис Турганбаев "Ички иштер министрлигинде иштегендердин бут кийими жыртык жүрсө, анан кайдагы реформа?" дейт

Бүгүн, 23-сентябрда парламенттин Адам укуктары, конституциялык мыйзамдар жана мамлекеттик түзүлүш комитети ички иштер министрлигине Мелис Турганбаевдин талапкерлигин жактырды. Комитет мүчөлөрү талапкерге Ички иштер министрлиги реформага муктаж экенин айтып, бул багытта бир катар суроолорду беришти. Турганбаев реформа жасоого акча керектигин айтты. “Реформа дей бергенибиз менен, ИИМдин кызматкерлеринин бут кийимдери жыртык жүрсө, кайдан реформа жасалсын? Сиздердин жардамыңыздар менен реформа жасаганга жетишебиз”,- деди Турганбаев.