Санжар Мукамбетов Финансы рыногун жөнгө салуу жана көзөмөлдөө кызматынын башчысы болуп дайындалды

Өкмөттүн алдындагы Финансы рыногун жөнгө салуу жана көзөмөлдөө кызматынын башчысы болуп Санжар Мукамбетов (сүрөттө) дайындалды. Тийиштүү жарлыкка премьер-министр Жоомарт Оторбаев кол койгонун 3-октябрда өкмөттүн басма сөз кызматы билдирди. Оторбаевдин башка жарлыгы менен аталган кызматты буга чейин жетектеп келген Юруслан Тойчубеков кызматынан бошотулду.

Санжар Мукамбетов:

Туулган жылы - 1972-жыл, 12-декабрь.

Улуту - кыргыз.

Кесиби - экономист.

Билген тилдери - кыргыз, орус, англис.

Үй-бүлөлүү, 2 баланын атасы.

Буга чейин экономика министринин орун басары болуп иштеп келген.

Автор: Автандил Добулбеков
Фото: Интернет булактары