Улуттук коопсуздук комитети жана милиция "Кыргыз чоролору" кыймылына рейддерди жүргүзүүгө уруксат бербегендигин билдиришти

Улуттук коопсуздук мамлекеттик комитети эс алуучу жайларды сойкукана катары кабыл алып, өз билемдик менен текшерүүгө алып жүргөн "Кыргыз чоролору" уюмуна рейддерди өткөрүүгө уруксат бергендигин четке какты. Бул тууралуу УКМКнын басма сөз кызматы билдирди.

Маалыматка ылайык, 2012-жылдын 30-ноябрында УКМКнын өкүлдөрү "Люстрация: эл кыймылы", "Коррупцияга каршы күрөшүүгө коомдук жардам" жана "Кыргыз чоролору" уюмдары менен жолугушуу өткөргөн. "Анда коррупцияга каршы аракет көрүү боюнча меморандум бекитилген. Бул документте жеке ишканаларды текшерүүгө алуу боюнча кызматташуу белгиленген эмес болчу. Документ текшерүү жүргүзүүгө эч кандай уруксат бербейт. Ага ылайык, аталган уюмдар мамлекеттик кызматкерлер тарабынан коррупциялык укук бузуулар боюнча шек менен УКМКга кайрылганы туура. Андыктан "Кыргыз чоролору" уюмунун эс алуучу жайларды текшерүүгө алгандыгы ошол меморандумга ылайык келбейт жана УКМКга тиешеси жок",- деп жооп берди басма сөз кызматы.

Мындан тышкары Ички иштер министрлиги да "Кыргыз чоролору" уюмунун текшерүү иш-аракеттери мыйзамсыз экенин айткан.

Эскерте кетсек, 2014-жылдын 28-декабрында "Кыргыз чоролору" уюму Бишкек шаарынын "Таатан" соода борборунун жанында жайгашкан караоке-клубду сойкукана деп, өзүм билемдик менен текшерүүгө алган. 24-январда алар ошол эле шылтоо менен борбор калаадагы дагы бир эс алуучу жайга рейд жүргүзгөн.

Автор: Нургазы Аматов

09:38 28-01-2015

Жазылуу

РУБРИКАДАГЫ СОҢКУ КАБАРЛАР

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 78 0

21:13 2025-05-15 | Саясат

Сүйүнбек Касмамбетовдун ордуна Марат Иманкулов келди 233 0

20:42 2025-05-15 | Саясат

Кыргыз-түрк экономикалык кызматташтыгы талкууланды 132 0

20:21 2025-05-15 | Коом жана турмуш

Министр Ажикеев Ак-Талаадагы жер титирөөдөн жабыркагандардан кабар алды 234 0

19:49 2025-05-15 | Түркүн дүйнө

Түркияда катуу жер титирөө болду. Зеленский ал жакта 1030 0

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 1486 0

Архив

Комментарийлер (5)

Rifle

2015-01-28 10:08:51

Коп сойкукананын крышалары озубуздун эле милициянын чондору болуш керек. Ошол себептен тоготбой , кайдагы кытайдар биздин эле кыздарды иштетип журот да.
Бул жерде улуттун кызыкчылыгын караган адам жок, анан чоролор чыгып жатат.
Москвада жонокой адамдарга да кээде укук берет го, документ текшерууго.

yasmina_kg

2015-01-28 10:24:15

Белгилуу да кимдер 40 чорого каршы болуп жатканы.Ким эле суудай агып жатка майлуу сутон ажырагысы келсин.Алар кыздар эмес, Кыргызстан тагдырын уруп ойнобогон,коздоруно мансап менен байлык гана болуп калгандар.Колдон келсе 40 чородой уюмдарды кобойтуш керек.Корупцияны текшергене да ушундай уюм ачпаса,карга карганын козун чукубай жатышат.

Nur_Iman

2015-01-28 13:01:05

Бул уюм кээ бир саясатчылардын куралы,ушундай кадам менен элге көрүнүп, саясий упай топтоодо,же "берчү нерсесин" бербегендерди кысууда, буларды мен "патирот" деп айтуудан алысмын, жакында шайлоо,40 чоронун башчысы (типа)"Манас" деп бирөөнү талапкерликке көрсөтөт го менимче.

qwert

2015-01-28 13:25:48

Админ ушул суроо боюнча ички иштер министиринен интерву алаласыздарбы ? Эмне себептен булар бул уюмга каршы чыгып жатышканын. Ошондо элге толук билинет ким элим улутум деп иштейт! Кимге байлык керек ! Сиздерге да чоон рахмат элге ушундай гойгойлуу маселелерди толук жеткизип жатканыныздар учун .

admin_superstan

2015-01-28 13:55:28

qwert, саламатсызбы!
Сунушуңузга рахмат! Тиешелүү бөлүмгө жеткирип койдук.

Комментарий калтыруу үчүн өз ысымыңыз менен кириңиз же каттоодон өтүңүз.