Кыргыз мигранттар тууралуу тартылган “Мекендештер” аттуу тасманын бет ачары болот

Бүгүн, 13-февралда Бишкекте Түштүк Кореядагы мигранттар тууралуу тартылган “Мекендештер” аттуу тасманын бет ачары болот. “Тасманын маңызы - башка өлкөдө жүргөн мекендештердин жерине болгон кусалыгы, жан дүйнөсүнүн кыйналуусу, чыныгы патриоттуулук сыяктуу сезимдерди камытаган”,- дейт авторлор. Айта кетсек, тасмада образ жараткандар тажрыйбалуу актёрлор эмес, кыргыз мекендештерибиз өздөрү ойношкон. Ошентсе да бул тасма 2012-жылдын 22-декабрында Түштүк Кореянын борбору Сеул шаарында өткөн кинофестивалда тартууланып, мактоого арзыган.