Ош. 1-класстын окуучулары жазгы каникулга жогорку класстын окуучуларына салыштырмалуу 1 апта эрте чыгышат

Ош шаардык билим берүү башкармалыгына караштуу бардык мектептердин 1-класстарынын окуучулары 16-марттан 29-мартка чейин жазгы каникулга чыгышат.

Аталган башкармалыктан кабарлашкандай, бул КРнын Билим берүү жана илим министрлигинин 2014-жылдын 2-августундагы буйругунун негизинде жалпы билим берүүчү мектептердин окуу планына ылайык бекитилди. Ал эми аталган министрликтин 2014-жылдын 16-октябрындагы билим берүү уюмдарында каникулдардын жаңы графиги жөнүндөгү буйругунун негизинде 2-11-класстын окуучулары 20-29-март күндөрү каникулда болушат.

Автор: Максат Кудайбердиев
Фото: Интернеттен алынды