Бишкекте шаардык башкы имамдардын айлык маянасын бекитүү, өлкөдөгү мечиттерди каттоого алуу маселелери каралууда

Бүгүн, 14-мартта Кыргыз өлкөсүнүн мусулмандарынын дин башкармалыгынын жыйындар залында облустук казылардын 2014-жыл ичинде аткарган иштеринин жыйынтыгын чыгаруу боюнча маалымат жыйыны өтүүдө.

Аталган башкармалыктан кабарлашкандай, жыйында 2015-жылга карата жылдык иш планды бекитүү, Коргоо кеңешинин чечимдеринин негизинде башкармалыктын жана казыяттын кызматкерлерин, имамдарды аттестациялоого кѳрүлүп жаткан даярдыктар, өлкө аймагындагы мечиттерди каттоодон ѳткѳрүү боюнча, облустук жана шаардык казыяттардын штаттык түзүмүн бекитүү, казыят аппаратынын кызматкерлеринин жумуш тартиби, 16-17-апрелдеги эл аралык симпозиумга даярдык жана шаардык башкы имам-жума намазын өткөрүүчү дин кызматкерлеринин айлык маянасын бекитүү жаатындагы бир топ маселелер каралууда.

Боло турган жыйында ар бир облустун казысы муфтий Максатбек ажы Токтомушевге ѳткѳн жылы аткарылган иштери туурасында маалыматтарын берип, ѳздѳрүнүн ишмердүүлүгү менен тааныштырууда.

Эскерте кетсек, өлкөнүн түндүк-түштүк аймактарынын координаторлору, муфтийдин орун басарлары Эратов Равшан ажы жана Ракиев Замир кары буга чейин ар бир облуста болушуп, казыяттардын ишмердүүлүктѳрү, аткарып жаткан иш-чаралары боюнча таанышып чыгышкан. Бүгүн казылардын маалыматтары угулган соӊ алардын иштерине тиешелүү баалар коюлмакчы.

Автор: Максат Кудайбердиев
Фото: Кыргыз өлкөсүнүн мусулмандарынын дин башкармалыгы

11:32 14-03-2015

Жазылуу

РУБРИКАДАГЫ СОҢКУ КАБАРЛАР

11:30 2025-06-28 | Коом жана турмуш

Бүгүн Ахунбаев көчөсүнүн бир бөлүгү жабылды. Автобустардын каттамы өзгөртүлдү(фото) 92 0

10:35 2025-06-28 | Кылмыштар, кырсыктар

Мамлекетке мыйзамсыз менчиктештирилген Гидрометеорология кызматынын имараты кайтарылды(видео) 235 0

10:21 2025-06-28 | Кылмыштар, кырсыктар

Өзгөн районунда жасалма документтерди жасоого шектелип, эки адам кармалды 336 0

09:53 2025-06-28 | Түркүн дүйнө

Amazon компаниясынын негиздөөчүсү Жефф Безос үйлөндү 845 0

09:33 2025-06-28 | Коом жана турмуш

Такыр-Төр көлүнүн жырылышына байланыштуу кошумча маалымат берилди 929 0

09:21 2025-06-28 | Саясат

Президент Садыр Жапаровдун Беларуска болгон иш сапары аяктады 416 0

Архив

Комментарийлер (3)

Ajar.

2015-03-14 12:15:37

Ислам дини бизге арабдар аркылуу келген да,ээ, анан арабдардын иретсиз сакал коюп, узун кылып өстүрүп алышканын байкай элекмин, койсо ошолор коюшат эле го... Мен байкагандан алардыкы кыркылган, тегиз эле коюлган сакал.Биздикилер сакал койбой эле койсо болот эле, же тегиздеп кыркып алышса жок дегенде...Кыргыздар атасынын көзү тирүүсүндө сакал койгон эмес,биз кыргызбыз да,селделерин деле чечип,калпак кийишсе жакшы болмок...

Nursultaan

2015-03-14 14:16:56

Ajar., Бул созун менен арабтар эмне кылса ошону кылаалы дейсинби , сакалды пайгамбарыбыз (С.А.В) койгон , эчкимди ээрчибей , эчкимди туурабай , пайгамбарыбыз (С.А.В) корсоткон жол менен журолу

banda-312

2015-03-14 12:17:14

Сакал койгон суннот

Комментарий калтыруу үчүн өз ысымыңыз менен кириңиз же каттоодон өтүңүз.